OYM

本周專題

OYM 3週年!瘋狂天天送禮+天天折扣!

轉眼間,OYM已經陪伴大家3週年了!適逢扮靚慾高漲的聖誕節,加上網站大革新,今年一於搞搞新意思,陪大家瘋狂玩足整個12月份,天天送禮!天天折扣!同賀3週年及答謝大家一直以來無限量支持!

由今日起到年尾於OYM新網站購物,輸入指定「優惠劵代碼」後,全單都會享有88折優惠!

咁著數,咁開心嘅嘢您無理由唔同班好姊妹一齊分享㗎?

 

參加「天天折扣」領取「優惠劵代碼」方法:

  1. 讚好專頁
  2. 分享本優惠
  3. 於新OYM網站註冊成為新會員
  4. 使用「優惠劵代碼:xmas15」瘋狂購物

活動期間我哋每日都會送出驚喜禮物!

大家而家喺我哋Facebook 「OYM 3週年活動,3重驚喜俾粉絲」Post留言,憑著您獨到嘅文筆,更有機會得到每日不同嘅驚喜禮物!禮物總值超過$8,000!

精心挑選的驚喜禮物包括來至:

  • 韓國低敏著名品牌Acwell系列產品
  • id醫院系列產品 – 「韓國五大整容醫院之一的旗下護膚品,針對面形而設,立體小顏(含PLLA成分)和舒敏去水腫」

 

參加「天天送禮」活動方法:

  1. 瀏覽本店的「奮鬥史」(本頁下方) 並於Facebook Post 「OYM 3週年活動,3重驚喜俾粉絲」留言對本店的鼓勵及祝福句子
  2. 於新網站購物及完成付款後,立即將訂單編號inbox到Own Your Miracle Facebook 専頁以獲得參加資格
  3. 我哋會每日細讀 「OYM 3週年活動,3重驚喜俾粉絲」Post嘅每個留言,挑選出最窩心嘅字句,隨該參加者的訂單送出驚喜禮物乙件!
  1. 即時註冊及登入新OYM網站,只要同平時一樣落單,將所有鍾意嘅產品加入購物車,然後進入購物車準備付款
  2. 購物清單下會見到輸入「優惠劵代碼」嘅位置,輸入後前往結帳,全單就會自動有折扣㗎喇!
  3. 付款方法可以選擇ATM銀行過數 /網上過數/ Paypal (信用卡) 付款
  4. 「天天折扣」及「天天送禮」的參加者必須細閱及遵守網頁底部之條款及細則

OMY_LOGO
我們的奮鬥史

我哋唔喺一般嘅網上商店、唔喺將一堆產品求奇放上網就叫大家買嘅網上商店、唔喺盲目跟風推產品嘅網上商店;記住!我哋喺有血有肉嘅OYM!

以下是我哋嘅故事…

夢想初發芽

 

3、4年前,我同好多年輕人一樣,畢業後就打份工、朝九晚五、5日工作、每個月拎份糧、鍾意買咩就買咩…但當時嘅我慢慢發現,太過安穩原來都會令我產生不安同不自在,就在某一天,在沉悶不停工作不停交功課的辦公室內突然叮一聲,覺得自己應該得到比現在更多,而不是每日機械式工作…

呢種感覺隨住時間不單沒有被淡忘,反而愈強烈,不過當時零經驗、零人脈、零資金,咩都無嘅我,又努力抑壓著這種矛盾心情…

讓勇於我踏出第一步的,竟然是朋友送來的一款面膜!

以前對護膚無咩心得,因沒有覺得適合自己的產品,每次見到新野都會買、見到廣告賣得好又買、售貨員講幾句,又買… 不過大部分都逃不過掉落垃圾筒的命運,唯一不被我掉落垃圾筒的,就是用完不會過敏,而不是遇到能夠幫助自己肌膚問題的產品。甚至醫學美容我亦試過,不過卻成為他們的水魚。喺咪感覺好悲哀?我嘅皮膚差到無得救?到底喺產品差定我皮膚差…?

當時充滿大量問題嘅我,在機緣巧合下,朋友為我送上了一款面膜,起初我無心機立即開黎用,因為當時嘅我皮膚已經差到用咩產品都會發熱發紅,不過,朋友再三叮嚀我一定要用,於是,我又抱著試下啦嘅心情試用…

夢想第一步

 

就喺呢一試,改變左我。

改變左我嘅皮膚狀態、改變左我對護膚品嘅態度、亦改變左我接落黎做嘅事⋯⋯

面膜效果非常明顯,敷完一點不適感都沒有,反而令我敏感得又痕又紅嘅肌膚得以舒緩,敷完立即唔痕唔紅,而且效果不單止當晚見到,接下來第2日連密友都發現我嘅皮膚靚左好多,感覺好舒服,keep住好水而且抵抗力強左,不易因為周圍環境引起過敏。好似好神奇好誇張,連當時嘅我都不相信,尤如在無助下找到了諾亞方舟,但正正是這種誇張感覺強烈震撼我嘅心!

零經驗? 踏出第一步就會變成自己經驗!

零人脈? 踏出第一步就會慢慢建立自己網絡!

零資金? 將產品賣出後就會有資金流入!

賣唔出? 自己用囉~

我當時就喺咁樣說服自己。

初嘗甜頭

 

用完第2日已經叫朋友幫我買二十盒自用(好驚買唔返),因為當時嘅我已經完全投入呢隻面膜懷抱,簡直覺得無左佢就生存唔到!於是我對護膚又開始有信心了,開始留意給了我第一次甜頭的韓國護膚品,愈用愈喜歡,愈用愈多,亦開始研究適合自己的護膚方法,慢慢就有自己一套心得。同時,亦開始做資料搜集,尋找貨源,又開始睇產品成分、質地、功效,及與其他產品做比較。

當時的我亦是一個分享狂,難得有一件產品令我對護膚重拾信心,果種心情喺開心到一定要話比全世界嘅人知道!心諗應該很多女仕們都會有跟我一樣的經歷,於是,積極又興奮嘅我將手上的面膜嘗試在朋友間介紹,由於當時這款面膜香港未有人認識,在我推薦下,不消一會便全數賣出,當然亦有賺啦,就是這樣,這十幾盒面膜成為了我第一次資本。後來在網上分享我的護膚經驗,想不到真喺有人睇有人問,就是這樣,一傳十,十傳百,我的資本亦慢慢變大,這時,我嘅真誠終於收到韓國廠的直接回覆,入貨價亦相對便宜了,因此所賺的錢滾得更快,最高記錄在一個月就賣出一萬塊!

作為一個新手,可算是初嘗甜頭了。

OYM理念誕生

 

我諗身邊好多人都無諗過我會堅持到今日,甚至自己點想起這段時期都覺得自己有點不可思議!考試都無咁勤力呀呵呵。其實最主要是受到客人們的支持及肯定,先有信心繼續行落去,所以到今日,我最感激的,仍是這班不離不棄的客人們。

當時嘅我,放工後就主力在網上寫blog及社交網站上宣傳,生意好時晚晚做到4點,一星期做足7日,但從來沒有放棄嘅念頭,不知不覺間將工作塞滿生活,就像上了白粉癮,滿足感已經大大超越了身體的累,甚至忘記了累。滿足感來源不是錢,而是我喜歡這樣的模式、喜歡客人們用後留下的評語、喜歡將好用的產品的推廣給有需要的人、喜歡與客人們交流心得、喜歡互相鼓勵,就算多麼糟糕的皮膚都能找到適合自己的方案… 因為,我也是過來人了,我明白。

OYM的理念亦由此誕生,沿用至今。

“OYM堅持自己試產品、自己打介紹文,因為我們都是消費者!經過我們挑選的產品都務求將最真實一面用文字及圖片記錄,然後向大家推介!這就是我們獨有的專業、獨有的堅持!”

堅持著呢個理念,不是件容易事,市面投資大量廣告的產品多不勝數,銷量及知名度亦相對較高,容易賣又賺錢,每間商店都紛紛加入其中,分一杯羹。但我有自己堅持,因本身是屬於易敏感人仕,只要用了化學成分較多偏向刺激的產品,皮膚都會難以接受,因此,一開始店內只賣一款面膜,而且維持了一段很長時間,都找不到代替它的產品,亦因此,我多了一班與我同樣經歷的客人,證明不只是適合我,而且”打救”了很多人。

對產品選擇上我都算嚴苛,用後不敏感感覺舒服的,會繼續留低使用一段時間,這只是合格了一半,另一半是因為它的成分、技術、肌膚改善程度等,總之一定要令人用後有種相遇太晚的感覺!實行貴精不貴多。去到很後期,才加入第2款產品,第3款產品…

OYM成長路

 

就是這樣靠著自己的分享慢慢做起,生意零經驗初學者的我什麼都沒有,沒有後盾沒有資源,只知如果我作為客人,會想得到什麼,所以我懂得站在客人角色思考,只知口碑及誠信對一間店很重要。

做著做著,由寫blog分享 → 拍賣網站 → 社交網站 → 購物網站; 由工餘時間地鐵站相約交收,有時跑足幾個圈 → 後期訂單太多且穩定就特定時間地點交收 → 後來交收活動被地鐵禁止被趕要偷偷摸摸,有時都幾狠狽 → 加上長期帶住大量嘅貨周圍走,手臂肩膀都經常受傷發痛 -> 後來有了自己的工作室可以交收及讓客人上來選購,並讓客人盡量選用郵寄或速遞服務; 由自己的居住地方作為貨倉 → 後來貨量太多不得不找地方 → 演變成現在的工作室; 由每個月賺緊車錢 → 賺飯錢 → 賺衣食住行 → 到足夠公司營運; 可能一段時間都沒有好好休息,身體亦漸發出警號,在家人支持下,一年前決定全身投入我喜愛的事上,OYM亦成為正式註冊公司。

OYM大概就是這樣走過來,有點不可思議,不過每樣事情都是用自己的熱誠堆砌出來,很滿足!

3年以來一直堅持、突破、成長

 

用心專研、用心服務、致力成為大家心目中的最佳網上購物商店!

3年了,跌跌撞撞也走到了今天。好多年輕人有自己想法及想做的事,卻被很多的未知所限制,未知的確很可怕,不過我都算樂觀,當真的很想做一件事的時候,所有問題都不是問題,總會有方法說服自己。最重要是不要要求自己一步登天,一步一步耐心的走,回頭一看,你會不自覺原來每次的一小步,已經聚集成一大步。我並不是十分聰明的人,由畢業後工作到現在成為OYM負責人,我覺得我只是比較勤力及有清晰目標。

OYM一直腳踏實地做好自己本分。人人都可以有自己品牌有自己產品,但背後落左幾多成功夫其實無咩人知,消費者就更加不知,我曾經聽過客人說用後不敏感的就是正貨就是靚野⋯⋯ 咁同買一枝開到天價咁高但其實內裡是很便宜的稀身水份精華有咩分別?一開始用一樣不會敏感,一樣覺得好似好補濕⋯⋯ 人脈擴充下,對產品就更深入了解,來源及背後理念就更清楚,所以現時合作的牌子都選擇可靠而且有充分技術存在的。

本店就是要將經過挑選的產品再用真實的一面呈現給大家、讓大家找到合適自己的產品、專人為你提供意見、在網上產品介紹都列出來源、生產技術、成分、質地、功效、官方資料、及最重要我們是真真正正用過的用後評語,不是試1次就寫介紹然後影張相就話好用,亦絕對不會未用過就推薦,就算出面銷量多好,我們都會堅持先試,真的好用再決定,加上我們長期試產品,都很熟悉產品,會知道哪些人較適合,亦深深體會一件好的產品,都要有正確用法,有時不是產品問題,而是用法都會影響效果,而用法,都會根據不同人而改變,這就是我們長期反覆試產品的得著及經驗,每件產品少則使用3,4次多則一段長時間才得出這些總結!

後記

 

現時客人們都很喜歡給我留言、說說介紹的產品怎樣好、用後肌膚有咩改變、每日都見到肌膚進步… 每次收到這些訊息都很高興,每次見到大家的感想,我都會想起當初的我由幾乎放棄護膚卻遇上了救命恩人的感覺,不用提醒都會自動自覺做好每日護膚,這亦是OYM成長的原因!愈來愈多人有呢種感覺,我地就愈開心,就像定期為我們加加油!

踏入第四年,除左繼續延伸我地堅持、做好網站購物、建立自己品牌、分享更多實用文章、希望一直害怕護膚的你願意踏出第一步、更希望有更多既人愛上護膚、嘗試更多不同類別產品為肌膚帶來不同的神奇改變!

客人們亦經常在我面前好自豪地講:「世上無醜女人,只有懶女人。」

很普通的一句說話,卻是最真實的描述啊!

立即行動起來,click入我地團隊大大改革過後既購物網,希望大家喜歡,歡迎比意見,改到大家滿意為止!

同埋記得參加我地 成立3週年x聖誕節 活動!

參與活動後有得拎coupon!全單有折啊!每張單都有機會獲得原裝產品一份!送出產品總值高達$8,000啊!每日都有禮物送出,人人有機會!萬物錯過啊!
最後祝OYM快高長大!OYM精神發揚光大!愈來愈多OYM美女!

活動條款及細則:

  1. 活動截止日期及時間為2015年12月31日,下午11時59分  (香港時間),活動期後所提交的Facebook留言及訂單編號均視作無效。
  2. 如未能親自使用「優惠劵代碼」,換領者可自行轉予給其他人。「優惠劵代碼」的有效期限為2016年1月1日,逾期作廢。
  3. Own Your Miracle將會以Facebook Inbox通知「天天送禮」的得獎者。
  4. 「天天送禮」的得獎者必須提供已完成付款的訂單編號。每張訂單只可參加一次,每位參加者參加次數不限。
  5. Own Your Miracle將會以系統確認得獎者的身份和訂單完成付款時間。
  6. 「天天送禮」活動每日禮物名額一個,參加者的參加時間以inbox提交訂單編號時間作準。禮物將會隨機發放,並且不能作現金對換。
  7. 若「天天送禮」的得獎者所遞交相關資料有錯漏或不正確,而導致Own Your Miracle未能聯絡參加者或核實參加者的資格,有關參與機會將一律作廢,並不設後補機制。
  8. 如因參加者或換領者因違規或非法行為導致Own Your Miracle或第三方損失,有關參加者或得獎者須負上一切責任。
  9. Own Your Miracle保留更改有關活動之條款的最終權利。
分享到:

聯絡我們

黃埔門市 (可取貨或購物):
紅磡黃埔花園12期HomeWorld(家居庭)地庫39號鋪

營業時間:
11am - 9pm (星期一至日)

Facebook專頁:
https://www.facebook.com/oym.com.hk/

電郵:
[email protected]

Call Us / Wtsapp

+852 9756 4386